Mi vivas apud la ĉefa urbo de Savojo, Ĉamberio, en la francaj Alpoj. Mi eklernis Esperanton en 2014. En februaro 2016 kaj majo 2019 naskiĝis miaj infanoj Azur kaj Meije, al kiuj mi parolis nur la Esperantan lingvon.
Atestoj pri spertoj de familioj, kiuj same vivospertis, estis – kaj plu estas – valoraj por mi. Tial mi decidis krei tiun blogon. Mi tiumaniere celis disvastigi simplajn spertetojn kaj informojn pri lingvo-evoluado de denaskulo.
Ĝisdatisĝo de 2022: nun mi rezignis paroli al miaj familianoj Esperante pro diversaj kialoj. Tamen Esperanto plu estas en mia koro kaj vivo, tial mi ne forigis tiun blogon.
Mi ankaŭ publikigas pli longajn afiŝojn kun faktoj kaj vidpunktoj, kiuj rilatas al sciencaj konoj kaj raciismo, demokratio, legadoj, Esperantismo kaj efika altruismo. Mi uzas kiel eble plej ofte facilan lingvon.
Ĉiuj Esperantistoj estas bonvenaj miahejme (mia Pasporta Servo-paĝo).
Aliateme, mi interesiĝas multe pri scienca metodo kaj racio, kaj demokratio.
Denaskuloj - paroli Esperanton kiel denaskan lingvon. 