Tuj kiam mi eklernis Esperanton, mi serĉis interrete legindajn blogojn. Tiaj retejoj estas miaopinie ege interesaj por lingve pliboniĝi, ĝuante la momenton. Ankaŭ memblogi havas multajn avantaĝojn. Jen 6 el ili.
Plibonigi sian lingvonivelon
Malvojaĝemaj Esperantistoj ofte havas maloftajn okazojn praktiki ĉiutage la lingvon. Krei blogon kaj regule publikigi afiŝon praktikigas la lingvon. Ĉar oni scias ke uloj legas nin, oni pli atentas kiel oni skribas. Oni provas ne tro erari, trovi ĝustajn kaj precizajn vortojn, kaj foririgi naciajn lingvaĵojn.
Tio okazas pro diversaj kialoj. Unue, oni volas ke ĉiaj homoj komprenas nin. Komencantoj, progresantoj kaj eĉ fluparolantoj. Due, Esperantistoj estas lingve kritikemaj. Ĉe retejoj, blogoj, forumoj, E-istoj ofte korektas lingvajn erarojn. Kelkaj povas prave plendi pri tio, ĉar ricevi kritikojn pri lingvaĵoj kiam oni ne petis ilin povas ĝeni homojn. Sed tia premo ankaŭ povas instigi homojn pli atenti sian skribmanieron.
Ĉar oni uzas komputilon kaj interreton por blogi, oni ankaŭ facile povas uzi vortarojn aŭ aliajn fontojn por krei enhavon kiel eble plej riĉa.
Diskonigi internacie informojn aŭ opiniojn
Ĉiuj homoj havas apartajn ŝatokupojn, profesion aŭ interesajn konojn kaj opiniojn diskonigendajn. Kiam oni blogas en nia denaska nacia lingvo, nin legas pli ofte samlandanoj. Uzante Esperanton, ni atingas pli diversajn homojn.
Parolante pri nia ĉiutaga vivo aŭ nia politika aŭ eduka sistemo, oni ankaŭ povas ricevi informojn pri kiel okazas tiaj aferoj en aliaj landoj. Tiel ni povas ĝui diversajn spertojn. Tiaj spertoj povus riĉigi nian pensmanieron. Ankaŭ ni povas imagi alternativojn pri kiel pli bone pensi aŭ organizi nian mondon.
Krei enhavon en Eo por lernantoj kaj lernontoj
Kiam oni eklernas lingvon, lern-materialo ofte ne sufiĉas. Oni bezonas ankaŭ konkretan materialon: videojn, podkastojn, retejojn kaj blogojn estas gravaj. Ili montras al ni diversajn skrib- kaj parol-manierojn. Ili riĉigas nian vortaron. Oni lernas ankaŭ pasive gramatikaĵojn.
Se pli kaj pli da materialo ekzistas en Esperanto, mi pensas ke kompreneble povus ekzisti pli. Nuntempaj kaj venontaj lernantoj de nia lingvo certe estos dankemaj pri tio.
Blogante en Esperanto, ni ankaŭ montras al ne-Esperantistoj, ke nia lingvo vivas kaj estas utila por komuniki. Precipe se oni reklamas ekster Esperantujo pri nia projekto.
Renkonti novajn interesajn homojn kaj blogojn
Esperantistoj ofte estas pli komentemaj ol aliaj homoj. Vidu simple Esperantajn videojn ĉe Jutubo. Eĉ tiuj, kiuj havas nur dekojn da vidoj, tamen ricevas plurajn komentojn. Blogante en Esperanto, ni certe ricevas pli da komentoj, ĉu publike, ĉu private.
Mi renkontis per tiu blogo interesajn homojn. Mi ankaŭ eltrovis novajn blogojn danke al legantoj. La blogo Pri io ajn estas ekzemplo pri tio. Ĝia aŭtoro skribas ĉiutage afiŝon pri io ajn temo. Ĝi tiel certe disponebligas riĉan materialon por nunaj lernantoj kaj samtempe praktikas Esperanton.
Ĝui la ŝatokupon
Mi tre ŝatas havi kaj agrablajn kaj utilajn ŝatokupojn. Blogi en Esperanto estas tia ŝatokupo miaopinie. Uzante lingvon, kiun oni memdecidis lerni aŭ uzi, oni certe pli ĝuas skribi en ĝi ol en nia denaska lingvo.
Esperantistoj legas nin
Se mi kreintus blogon en mia denaska lingvo pri samaj temoj, mi pensas ke preskaŭ neniu legintus min aŭ eĉ vizitus mian blogon. Ĉar Esperanto estas malgranda komunumo, nova enhavo ĉiam allogas homojn. Homa ligo multe pli forta ekzistas inter du Esperantistoj ol inter du samlandanoj. Tial Esperantistoj ofte interesiĝos pri skribaĵoj de nekonatulo.
Plie, ekzistas multe malpli da blogoj en Esperanto ol en naciaj lingvoj. Laŭ multaj Esperantistoj, ju pli retejoj kaj informoj en Esperanto ekzistas, des pli bone estas. Esperantistoj ŝatas legi diversajn informojn, amuzaĵojn, kuriozaĵojn perrete. Ili do ĝenerale estos kontentaj eltrovi novan ejon, kiu regule aperigas tion.
Mi pensas ke blogo en Esperanto pri io ajn temo havas pli da ŝanco tuj ricevi pli da vizitantoj kaj precipe legantoj ol blogo en denaska lingvo. Oni ne bezonas multe reklami pri ĝi, krei sociajn retojn, ktp. Oni simple kreas la blogon, regule afiŝas, kaj diskonigas iome la ligilon ĉe kelkaj retejoj.
Denaskuloj - paroli Esperanton kiel denaskan lingvon. 
Dankon por tre bona artikolo. Ĉi tiu blogaĵo estas instiga por tiuj, kiuj emas blogi en Esperanto. La afero pri lingva korektado estas tikla. Mi mem estas tre korektema, sed ĉefe pri miaj propraj skribaĵoj. Kvankam mi evitas komenti pri eraroj de aliuloj mi devas konfesi ke mi mem lernas multege pere de eraroj miaj kaj de aliuloj. La problemo estas ke mi ne povas lerni pri eraroj kiujn mi ne malkovras. Tial, la komentoj de aliuloj estas por mi tre bonvenaj. Sed la afero restas tikla.
ŜatiLiked by 1 persono
Dankon pro via komento; danke al ĝi me eltrovis vian blogon!
ŜatiŜati
Siatempe ekbloginte en Esperanto mi havis tre similajn rezonojn. Laŭ mia sento etoso de via artikolo estas ege oprimisma, sed la artikolo estas tro bona kaj sincera por aldoni eĉ etan guton da veneno.
ŜatiŜati
🙂
ŜatiŜati
Saluton Nelli. Alia bona artikolo de vi. Ankaŭ mi blogis pro la samaj kialoj kiel vi. Sed unu afero min tiam ĝenadis, nome, ke ne multaj homoj legis aŭ eĉ komentis miajn blogaĵojn. Tamen oni ja lernas kaj plibonigas sin dum verkado, ĉu ne?
ŜatiLiked by 1 persono
Jes! Precipe simple disponebligi informojn kontentas min. Eble viaj legantoj aŭ komentantoj estis malmultaj, sed certe pli multaj ol se vi skribintus en via denaska lingvo pri la samaj temoj sen reklami, ĉu ne?
ŜatiLiked by 2 people
Vi tute pravas: tre malfacilas skribi ion sen ajnaj respondoj de legantoj. Skribi al neniu estas amuzo por verkmaniuloj. Anaŭ iom da tempo mi serĉis blogojn de esperantistoj kaj atentis, ke komentoj malmultas. Mi klarigis tion al mi kiel stranga kutimo de okcidentanoj.
ŜatiLiked by 1 persono